Газэта Свабодны Салігорск зьявілася на сьвет ў верасьні 2006 году з ініцыятывы мясцовых моладзевых актывістаў. Спачатку газэта нагадвала хутчэй "баявы лісток", але ж зь цягам часу пераўтварылася ў сапраўднае пэрыядычнае выданьне, адной з адметнасьцяў якога зьяўляецца выкарыстаньне беларускага клясычнага правапісу.
Асноўнай мэтай выданьня зьяўляецца адлюстраваньне альтэрнатыўнага пункту гледжаньня на падзеі ў горадзе і краіне. Тут заўсёды ёсьць месца для сацыяльназначных матэрыялаў, якія недаважваюцца друкаваць іншыя мясцовыя выданьні. Пасутнасьці, Свабодны Салігорск ёсьць адзіным абсалютна незалежным ад дзяржавы выданьнем у рэгіёне.
Свабодны Салігорск гэта неперадузятая інфармацыя пра падзеі ў горадзе і краіне, гэта навіны культурнага жыцьця і анонс набольш яскравых рэлізаў у сфэры музыкі, відэа і літаратуры, гэта сустрэчы зь цікавымі асобамі і аповяды пра незвычайныя мясьціны, а таксама безьліч пацешных гісторыяў і гумарэсак. Свабодны Салігорск гэта Твая газэта!